Z. Luzha është emëruar në Bord të drejtorëve të Bankës Ekonomike në Maj 2015. Që nga viti 2015 ai ka shërbyer edhe si kryetar i Bordit si dhe komitete të ndryshme të nivelit të Bordit. Duke filluar nga prilli i vitit 2021, Z. Luzha u caktua si Kryeshef Ekzekutiv i Bankës Ekonomike. Më parë ishte i angazhuar  afro shtatë vite në  Raiffeisen Kosovë, ku pozitën e fundit aty e kishte si Drejtor Ekzekutiv dhe Kryesuses i bordit menaxhues të dy kompanive të Raiffaisen Lizing Kosova dhe Raiffeisen Insurance Broker Kosova ku udhëhoqi procesin e themelimit të të dy kompanive.

Më herët gjatë karierës së tij, Z. Luzha kaloi afro katër vite nëpër funksione të niveleve të mesme në biznese të derivateve financiare në kompanitë e njohura si Merill Lynch (tani pjesë e Bank of America) në Nju Jork dhe Deutsche Bank Nju Jork. Z. Luzha ka diplomë të Universitetit Brauch College CUNY në Financa dhe Investime.

Znj. Mesi është emëruar Anëtare Bordi të Drejtorëve të Bankës Ekonomike në Korrik 2024.
Me një eksperiencë prej 15 vitesh në sistemin bankar si Drejtuese e lartë dhe anëtare bordi të zgjeruar në ProCreditBank, Shqipëri dhe pedagoge e jashtme prej 17 vitesh në Universitetin “Luigj Gurakuqi” Shkodër në Fakultetin Ekonomik. Znj. Mesi ka mbajtur pozicionin e Zëvendës Kryeministres (2017-2019) dhe deputete e Kuvendit në Legjislaturen e IX (2017-2021) së Republikës së Shqipërisë. Ajo ka qenë anëtare e këshillit bashkiak Shkodër, Shqipëri (2015-2017).

Ajo është një konsulente ndërkombëtare dhe folëse me fokus në Qëndrueshmërinë, Financat e Zhvillimit, Inovacionin e Biznesit dhe Bankën Dixhitale, Qeverisjen e Mirë dhe Administratën Publike dhe ka punuar me Institucione Ndërkombëtare si:
Komisionin Europian, anëtare e Grupit të Ekspertëve të Nivelit të Lartë në (HLEG) për rritjen e financave të qëndrueshme në vendet me të ardhura të ulëta dhe të mesme.
Këshillin e Europës, konsulente ndërkombëtar për Kongresin e Autoriteteve Lokale dhe Rajonale dhe Qendrën e Ekspertizës për Qeverisje të Mirë me fokus rritjen e cilësisë së demokracisë lokale dhe rajonale në shtetet anëtare dhe rajonet fqinje, lokalizimin e SDG dhe Administratën Publike
OECD_ SIGMA, konsulente ndërkombëtar për vlerësimin dhe mbështetjen e Reformës së Administratës Publike
Ajo është anëtare pro-bono e Këshillit Drejtues të organizatës UN SDSN_ Western Ballkan (Rrjeti i Zgjidhjeve për Zhvillim të Qëndrueshëm të Kombeve të Bashkuara në Ballkanin Perëndimor), anëtar Bordi Këshillimor Ndërkombëtar i ALDA _ Shoqata Europiane për Demokracinë Lokale, (Strasburg, Bruksel, Vicenza) si dhe e Athena School of Management (Shkollës së Menaxhimit Athena) në Mumbai, Indi.

Znj. Mesi zotëron Master në Menaxhim, dega Administrim Biznesi nga Universiteti i Tiranës dhe Diplomë në Banking nga “ProCredit Academy” Frankfurt am Main Gjermani. Znj. Mesi është Kontabël i Miratuar dhe ka diplomë pasuniversitare në “Studime Politike dhe Lidership” nga Këshilli i Europës, Strasbourg, France dhe Universiteti George Washington, USA, Qendra për Ekselencë në Lidershipin Publik, si dhe diplomë nga SDG Academy në “Makroekonomi për Planet të Qëndrueshëm”.