Z. Luzha është emëruar në Bord të drejtorëve të Bankës Ekonomike në Maj 2015. Që nga viti 2015 ai ka shërbyer edhe si kryetar i Bordit si dhe komitete të ndryshme të nivelit të Bordit. Duke filluar nga prilli i vitit 2021, Z. Luzha u caktua si Kryeshef Ekzekutiv i Bankës Ekonomike. Më parë ishte i angazhuar  afro shtatë vite në  Raiffeisen Kosovë, ku pozitën e fundit aty e kishte si Drejtor Ekzekutiv dhe Kryesuses i bordit menaxhues të dy kompanive të Raiffaisen Lizing Kosova dhe Raiffeisen Insurance Broker Kosova ku udhëhoqi procesin e themelimit të të dy kompanive.

Më herët gjatë karierës së tij, Z. Luzha kaloi afro katër vite nëpër funksione të niveleve të mesme në biznese të derivateve financiare në kompanitë e njohura si Merill Lynch (tani pjesë e Bank of America) në Nju Jork dhe Deutsche Bank Nju Jork. Z. Luzha ka diplomë të Universitetit Brauch College CUNY në Financa dhe Investime.

Znj. Abazi është profesioniste në fushën e bankave dhe financave me ekspertizë në menaxhimin e investimeve, portfolios së aseteve, riskut dhe qeverisjes korporative. Ajo ka një përvojë 15-vjeçare në Bankën Qendrore, ku ka mbajtur pozita udhëheqëse në menaxhimin e investimeve të aseteve ndërkombëtare, si dhe pozita të larta këshilluese në fushën e planifikimit strategjik, bashkëpunimit me institucionet financiare ndërkombëtare dhe zhvillimit institucional. Gjatë angazhimit të saj ka udhëhequr iniciativa kyçe në hartimin dhe zbatimin e politikave të portfolios dhe menaxhimit të riskut, si dhe projekte për digjitalizimin e shërbimeve financiare, avancimin e kornizës së raportimit të të dhënave, dhe projekte të tjera të mbështetura nga institucionet financiare ndërkombëtare.

Aktualisht shërben në role drejtuese në fushën e arsimit të lartë, duke udhëhequr iniciativa strategjike për zhvillimin e institucioneve të arsimit të lartë në Kosovë dhe rajon, me fokus në cilësinë akademike dhe inovacionin.

Znj. Abazi është Master (MSc Economics) nga Universiteti Lund në Suedi dhe MSc Banking and Finance nga Universiteti Ghent në Belgjikë.

Z. Musaj është profesionist në fushën e bankave, financave dhe menaxhimit të biznesit, me përvojë të gjerë në menaxhimin e portfoliove korporative, analizën kreditore, zhvillimin e biznesit, shitjet dhe qeverisjen organizative. Ai ka mbi 16 vite përvojë në sektorin bankar në Kosovë, ku ka mbajtur pozita profesionale dhe drejtuese në institucione financiare, përfshirë Bankën Ekonomike, Raiffeisen Bank Kosovo dhe ProCredit Bank.
Gjatë angazhimit të tij në Bankën Ekonomike, ka shërbyer si Drejtues i Departamentit të Korporatave, duke qenë përgjegjës për portfolion, profitabilitetin, objektivat komerciale, cilësinë e portfoliove kreditore, depozitat dhe të hyrat nga interesi. Më herët, ai ka ndërtuar përvojë të rëndësishme në analizën kreditore për klientët korporativë dhe ndërmarrjet e vogla, duke u fokusuar në analizën financiare, vlerësimin e riskut, projeksionet e rrjedhës së parasë dhe proceset e vendimmarrjes kreditore.
Aktualisht shërben si Drejtor Menaxhues në Green Coast Hills L.L.C dhe Rodon Properties L.L.C në Shqipëri, ku udhëheq funksionet administrative, operacionale dhe komerciale të kompanive, me fokus në strukturimin e proceseve të shitjes, koordinimin me institucionet financiare, menaxhimin e dokumentacionit dhe zhvillimin organizativ. Nga data 1 qershor 2026, z. Musaj është zgjedhur anëtar i Bordit të Drejtorëve të Bankës Ekonomike. Ai ka përfunduar studimet Bachelor në Menaxhment dhe Informatikë në Fakultetin Ekonomik të Universitetit të Prishtinës dhe ka ndjekur studimet Master në Menaxhim Bankar dhe Financiar në Fakultetin Ekonomik në Ljubljana, Slloveni.

Z. Mustafa është një drejtues i lartë në sektorin e bankave dhe teknologjisë, me mbi 20 vite përvojë udhëheqëse në shërbimet financiare, transformimin digjital dhe përsosmërinë operacionale. Ai ka mbajtur pozicione ekzekutive dhe anëtarësie në bordet e Raiffeisen Banking Group, përfshirë rolet si Drejtor Operativ (COO) dhe Anëtar i Bordit në Raiffeisen Bank Kosovo, ku ka udhëhequr iniciativa të rëndësishme në fushat e IT-së, operacioneve, sigurisë kibernetike dhe transformimit të biznesit.
Z. Mustafa zotëron një diplomë MBA në Banka dhe Sigurime, si dhe një diplomë MSc në Menaxhimin Ndërkombëtar të Inxhinierisë nga WU (Universiteti i Vjenës për Ekonomi dhe Biznes). Ai është i certifikuar në Auditimin e Brendshëm, COBIT dhe ITIL, si dhe ka përfunduar programe të edukimit ekzekutiv në INSEAD. Krahas karrierës së tij bankare, ai është themelues i “Evolve Solutions Technology”, duke ofruar këshillim për institucionet financiare dhe ndërmarrjet lidhur me transformimin digjital, qeverisjen, menaxhimin e rrezikut dhe strategjinë e teknologjisë. Ai sjell në Bordin Mbikëqyrës një ekspertizë të gjerë në qeverisjen korporative, qëndrueshmërinë operacionale dhe mbikëqyrjen strategjike.