Banka Qëndrore e Republikës së Kosovës, Banka Kombëtare e Austrisë dhe Banka Investive Evropiane organizuan konferencën ndërkombëtare “Qasja në Financa, Kreditimi Bankar dhe Sektorët Bankarë në vendet e Evropës Qendrore, Lindore dhe Juglindore”.
Në këtë konferencë u trajtuan tema të rëndësishme mbi rëndësinë e aktivitetit të sektorit bankar në rajonin e Evropës Qendrore dhe Juglindore, si një shtyllë e rëndësishme e financimit të zhvillimit ekonomik në këto vende.
Ekspertë të shumtë të kësaj fushe ishin pjesëmarrës në këtë konferëncë, si ekspertë nga banka qendrore e vendit, bankat qendrore të rajonit dhe më gjerë, institucioneve financiare vendore dhe ndërkombëtare si dhe bankave komerciale.
Pjesë e panelit ishte edhe Kryeshefja Ekzekutive e Bankës Ekonomike Znj. Merita Gjyshinca Peja, e cila ndër të tjera theksoi përkushtimin e Bankës Ekonomike si bankë vendore në zhvillimin ekonomik dhe social të vendit, përparsitë dhe sfidat e operimit në një treg ku mbi 80% e tregut dominohet nga bankat ndërkombëtare.