GROW – Dritarja e Rimëkëmbjes dhe Mundësive të Gjelbëra ka për qëllim të mbështes qasjen në financa duke mbështetur IRF-të për financimet që ato do t’i bëjnë në fushën e energjisë së ripërtëritshme dhe efiçencës së energjisë.
PARTNERËT FINANCIARË janë:
• Banka Ekonomike
• Banka Kombëtare Tregtare (BKT Kosova)
• Banka për Biznes Sh.A.
• NLB Banka Sh.A.
• ProCredit Bank Kosovo J.S.C.
• TEB Sh.A.
CILAT NMVM KUALIFIKOHEN?
Parametrat për NMVM-të që kualifikohen për financim nën garanci përfshijnë;
• NMVM-të në pronësi private, pa asnjë pronësi të Qeverisë gjatë periudhës së mbulimit të kredisë nga garancioni
• NMVM-të që kanë regjistrim të biznesit
• Një huamarrës i kualifikuar duhet të ketë të paktën në pronësi një qytetarë privatë ose banorë të përhershëm të Kosovës
• NMVM–të që kanë më pak se 250 punonjës
CILAT JANË KARAKTERISTIKAT E GARANCISË?
• Garancitë do të ofrohen për shumën deri në 70% të kryegjësë së kredisë.
• Kufiri maksimal i humbjes do të jetë 30%
• Tipi i garancisë: Revolvues.
•
CILAT KREDI MUND TË PËRFITOJNË NGA DRITARJA GROW?
Kreditë që mund të përfitojnë nga skema garantuese GROW duhet të plotësojnë kriteret e mëposhtme:
• Shuma minimale e kredisë është 3,000 euro.
• Shuma maksimale e kredisë është deri në 3,000,000 euro.
• Shuma maksimale e ekspozimit kreditor është deri në 7,000,000 euro.
• Shuma maksimale e ekspozimit të garancisë është 1,000,000 euro.
• Maturiteti i kredisë së garantuar deri 120 muaj.
• Qëllimi i kredisë ti dedikohet investimit në efiçiencën e energjisë dhe energjisë së ripërtrishme në shkallë të vogël (erë, diellore, biomasë ose energji gjeotermale) deri në 400 kW.
CILAT JANË PËRFITIMET?
Për NMVM-të
• Rritje e qasjes në financa.
• Ndikim i ulët në mjedis.
• Zvogëlim i faturave të energjisë elektrike.
• Kushte më të favorshme të kredisë.
• Potencialisht norma preferenciale të interesit.
• Reduktim i kolateralit.
• Qëndrueshmëri e biznesit.
Për Institucionet e Regjistruara Financiare
• Ulje e kostos së rrezikut.
• Lirimi i kapitalit.
• Mbulimi i humbjeve në tërësi.
• Ulje e rrezikut kreditor.
• Rritja e shumës maksimale të garancisë.
• Rritje e portofolit kreditor.
• Rritje e të hyrave nga shitja e produkteve tjera.