KONKURS PËR VEND TË LIRË PUNE
Banka Ekonomike për Departamentin e Auditimit të Brendshëm shpall konkurs për plotësimin e vendit të punës:
IT Auditor
Detyrat dhe përgjegjësitë:
• Zhvillon dhe ekzekuton planin vjetor të auditimit në fushën e teknologjisë të informacionit (TI) duke përcaktuar objektivat e auditimit, kriteret e auditimit dhe duke identifikuar; rreziqet dhe kontrollet sipas praktikave të metodologjisë COBIT;
• Dizajnon procedurat e testimit për të mundësuar analizimin dhe vlerësimin e përputhshmërisë së kontrolleve të TI për përmbushjen e objektivave të auditimit;
• Ekzaminon kontrollet e brendshme të bankës në fushën e TI-së, sigurisë të informacionit, dhe të proceseve/funksioneve të ndërlidhura, me qëllim të vlerësimit të adekuatshmërisë së kontrolleve të TI-së;
• Kryen auditime të kontrolleve të përgjithshme të TI-së (ITGC), të kontrolleve të aplikacioneve, të qeverisjes në TI, të vazhdimësisë së biznesit dhe rikthimit nga fatkeqësia, si dhe auditime të tjera speciale dhe të pa planifikuara;
• Rishikon sistemet kompjuterike dhe proceset e ndërlidhura të bankës për të siguruar pajtueshmëri me kërkesat ligjore, rregullative, si pajtueshmëri me zbatimin e politikave dhe procedurave të brendshme të Bankës;
• Përgatit raporte të rregullta të auditimit duke dokumentuar procedurat e auditimit, raporton mbi gjetjet, konkluzionet, dhe rekomandimet;
• Përcjell dhe monitoron zbatimin e implementimit të rekomandimeve të dhëna në auditimet e mëhershme të TI-së;
• Të përfundojë auditimin dhe raportimin duke u mbështetur në regjistrat e raportit standard të auditimit të ndërtuar në aplikacion në përputhje me rregullat dhe rregulloret duke u bazuar në Planin vjetor të Auditimit;
• Asistonë në kompletimin e raporteve speciale, aty ku kërkohet dhe asistimi në auditimin e fushave tjera të bankës, sipas kërkesës së mbikëqyrësit direkt dhe hierarkisë raportuese të Departamentit;
• Përmbush objektivat, zbaton dhe respekton Politikat, Procedurat dhe të gjitha aktet e aplikueshme;
• Përveç detyrave dhe përgjegjësive të cekura kryen edhe në detyra tjera të kërkuara nga Mbikëqyrësi Direkt.
Kualifikimet:
• Diplomë universitare në lëmin e teknologjisë informative ose të ngjashme;
• Mbi 2 vite përvojë pune, preferohet përvojë në Auditim;
• Certifikim profesional ose vijim i programeve/kurseve në fushat e auditimit të TI-së (CISA CISM, CISSP, ITIL) ose të auditimit të brendshëm do të konsiderohet përparësi.
• Njohuri të gjuhës angleze;
• Njohuri në teknologji informative (qeverisja në IT, menaxhimi i IT-së, monitorimi i IT-së, Sistemi i menaxhimit të sistemeve informative dhe komunikimit- COBIT).
Aplikimi mund të bëhet vetëm përmes Sistemit On-Line. Format e aplikimit mund të plotësohen direkt në Web faqen e Bankës Ekonomike www.bekonomike.com.
Afati i aplikimit është deri më datë 25 Tetor 2023 ora 16:00.
Vetëm kandidatët të cilët hyjnë në rrethin e ngushtë do të ftohen për procedura të mëtutjeshme.